• STEVEN RIVER

睇錶。巴塞爾 Episode I


第一日,大會很嚴厲,要正正9:00才放記者入場,要知道一個presentation延遲,接下來便會有連鎖反應,比起以前8:30已經可以自由出入,今年最唔慣。

講返新錶,第一日已經見到好多靚錶。

我睇錶,唔係人話靚就靚,無止境的話題作從來不是我杯茶,反而把錶當作工藝品甚至藝術品來看,便更有趣,眼界也更闊。

第一日,已經有好多寶物,先睇相感受吓,詳細資料可以留意5月號《時間觀念》。

JAQUET DROZ 大秒盤,日期圈加兩地時,經典8字佈局,靚!

JAQUET DROZ 雕花上色之作,工序繁複煉成出彩的效果,考你眼力搵唔搵到月亮、蝴蝶與蜻蜓?

BELL&ROSS 火之骷髏頭,立體感大躍進,夜光效果更詭魅有型,連個底都一樣咁有霸氣!

GIRARD-PERREGAUX 今年225週年,經典尋源,新錶寶物多到數唔晒!其中換新橋的超輕三問、三款一套的新World of Wonders同新功能Cat’s Eye都係my favourite!

HERMES今年集中火力主打工藝錶,放大張相睇睇,就知有幾細緻!

DIOR今年新搞作係兩款萬花筒,不同色彩的寶石配搭感覺新鮮華麗。另一款以溶金效果造型帶來新鮮感,像溶金亦如絲布般柔麗。

BLANCPAIN新款兩地時全曆鋼錶,簡簡單單已極好。而Ladybird則是今年專為女性而設的嬌柔新作。個人最感震撼的是一款以日式畫風巨浪作為主題的Big Wave! 石質錶盤充滿質感,銅質巨浪色彩細緻微妙,一幕「巨浪撲石」就在此錶盤上上演!

(睇住咁多先,待續。。。)

#BLANCPAIN #DIOR #HERMÈS #GIRARDPERREGAUX #BELLROSS #JAQUETDROZ

© 2015 木石文化版權所有 轉載必究 Copyright @ WoodStone Co., Ltd.